JOJI

ഭയത്തിൽ നിന്നും ആകുലതയിൽ നിന്നുമാണ് തന്റെ നിലനില്പിനെകുറിച്ചു ഒരാൾ ബോധവാനാകുന്നതെന്ന് തത്വചിന്തകനായ സോറെൻ കിർക്കെഗാഡ് പറഞ്ഞിട്ടുണ്ട്. അപ്പനെ ബഹുമാനത്തിലേറെ ഭയക്കുന്ന ജോജി, എന്നാൽ തന്റെ ഭാവി അപ്പനാൽ ചോദ്യചിഹ്നം ആകുമോ എന്ന ആവലാതിയും അവനിലുണ്ട്. എന്തെങ്കിലുമൊക്കെ ജീവിതത്തിൽ നേടണം എന്ന് ആഗ്രഹിക്കുന്ന ജോജി, പക്ഷെ എന്നും അപ്പനിൽ ആശ്രയം കണ്ടത്തേണ്ടി വരുന്ന അവസ്ഥ. 

ശരിക്കും ആ വീട്ടിലുള്ളവരാരും സ്വാതന്ത്രരല്ലായിരുന്നു, അവഗണനകളുടെ കൂമ്പാരമായിരുന്നു അവിടം. സ്വാതന്ത്ര്യം തേടിയുള്ള പരക്കംപാച്ചിലിൽ ആർത്തിയുടെ കിരീടം അവരോര്തരും ചൂടിയിരുന്നു, ഒരുപക്ഷെ ജോമോനും ആഗ്രഹിച്ചിരുന്നേക്കാം. എന്തിനോടും ആർത്തിയില്ലാത്ത മനുഷ്യരില്ല. 

മൂന്നാമത്തെ പ്രൊഫസി ആയിരുന്നു ഡ്യൂക്കിന്റെ മരണം, രാജ്യത്തിന്റെ തലപ്പത്തിരിക്കാൻ മാക്ബെത്തിന് ഡ്യൂക്കിനെ കൊല്ലേണ്ടി വന്നു. തനിക്ക് ലഭിച്ചത് പോരാ ഇനിയും കൂടുതൽ വേണം എന്ന ചെറിയ കുട്ടിയുടെ വാശി തന്നെയാണ് മാക്ബെത്തിനെയും കൊലപാതകി ആക്കിയത്. അധികാരം കയ്യിൽ കിട്ടിയാൽ താൻ സ്വാതന്ത്രരാകുമെന്ന് വിചാരിക്കുന്ന വിഡ്ഢിയായ മനുഷ്യരാണ് നമ്മളിൽ പലരും. ജോജിയിലും അത് തന്നെ കാണാം... നമ്മളെ തന്നെ കാണാം...

-Rubeena